Templates by BIGtheme NET

WARKA MAANTA

Madaxweyne Farmaajo oo saakay ku wajahan Addis-Ababa

Sidii aan wararkeeni hore idinkugu soo gudbinay Madaxweynaha Doowlada Federaalka Maxamed C/laahi Farmaajo iyo wafdi uu hogaaminayo ayaa saakay lagu wadaa ineey gaaraan Dalki Itoobiya gaar ahaan Addis-Ababa.

Madaxweyne Farmaajo ayaa casuumaad rasmi ah ka helay Ra’iisul Wasaaraha Itoobiya Hailemariam Desalegn, waxaana lagu wadaa inuu la kulmo Madaxweynaha Itoobiya Mulato Tshome iyo Ra’iisul Wasaare Hailemariam.

Booqashada Madaxweynaha oo socon doona 3-4 bishan oo ah booqasho qaran, ayaa waxaa uu 5-ta bishan marti u yahay Midowga Afrika, isagoo booqan doona Xarunta Midowga Afrika.

Madaxweyne Farmaajo iyo madaxda dowladda Itoobiya ayaa ka wada hadli doona xiriirka labada dal, dagaalka lagula jiro Al-Shabaab iyo arrimo kale.

Farmaajo ayaa inta uu joogo Addis Ababa booqan doona xarumo kala duwan, sida kaabayaasha dhaqaalaha dowladda Itoobiya.

Itoobiya ayaa sanadihii u dambeeyay galaan-gal xooggan ku laheyd arrimaha Soomaaliya, iyadoo kumanaan askari ay ka joogaan Soomaaliya, kuwaasoo qeyb ka ah howl galka AMISOM.

Kulanka Madaxweyne Farmaajo iyo Ra’iisul Wasaaraha Itoobiya ayaa lagu wadaa inuu bog cusub u furo xiriirka labada dal, kaddib markii uu hoos u dhacay xiriirka labada dal, doorashadii Farmaajo.

Maxkamadda ciidamada oo lawareegtay Kiiska dilka wasiirka

Maxkamadda ciidamada oo la wareegtay Kiiska dilka wasiirka

Maxkamadda Ciidamada qalabka sida ee Soomaaliya ayaa xabsiga u taxaabtay labo ka mid ah Ilaalada Hanti dhowrka Guud, kuwaasoo lagu tuhunsan yahay inay ka dambeeyeen dilkii Wasiirkii Howlaha Guud Cabaas Siraaji.

Labada askari ayaa lagu eedeeyay inay ku lug lahaayeen toogashada Wasiir Cabaas oo ka dhacday nawaaxiga Madaxtooyada, waxaana tan iyo xalay gacanta ku hayay ciidamada ammaanka.

Maxkamadda Ciidamada ayaa deg deg u soo fara gelisay kiiska dilka Wasiirka, iyadoo lagu wado in sida ugu dhaqsiyaha badan ay u dhacdo maxkamadeynta.

Guddi baaritaan ayaa la sheegay inay ku howlan yihiin dhacdadii xalay ee lagu dilay Wasiirkii Howlaha Guud, waxaana lagu wadaa in saacadaha soo socda la soo bandhigo natiijada baaritaanada.

Maamulka HirShabeelle oo sheegay in muran xuduudeed kala dhaxeeyo Banaadir

Maamulka HirShabeelle oo sheegay in muran xuduudeed kala dhaxeeyo Banaadir

Guddoomiayaha baarlamaanka Hirshabeelle Sheikh Cismaan Barre Maxamed oo maanta la hadlay warbaahinta ayaa sheegay inuu jiro muran dhinaca xuduudaha oo u dhaxeeya maamulada Hirshabeelle iyo gobolka Banaadir, waxaana uu guddiga xuduudaha ka codsaday inay arriintaasi soo farageliyaan, si wax looga qabto Muranka Xuduudeed ee Kala dhaxeeyo Gobolka Banadir.

Madaxweynihii hore oo ka hadlay dilka wasiir Cabaas Siraaji

Madaxweynihi hore ee Soomaaliya Xasan Sheekh Maxamuud ahna Xildhibaan ka tirsan Golaha Shacabka Baarlamaanka Federaalka Soomaaliya ayaa soo saaray dhambaal tacsi ah oo uga hadlayo dilkii caawa Muqdisho loogu geystay Wasiirkii Howlaha Guud ee Xukuumada Fedraalka Soomaaliya.

“Innaa Lillaahi Wa Innaa Illeyhi Raajicuun. EEBBE ha naxariisto Wasiirkii Howlaha Guud, ahaana Xildhibaan ka tirsan Golaha Shacabka Baarlamaanka Federaalka Marxuum Cabaas Siraaji oo caawa fiidkii lagu dilay Muqdisho. Waxaan tacsi u dirayaa qoyska, ehelada, Xildhibaanada Golaha Shacabka iyo dhammaan ummadda Soomaaliyeed, samir iyo Iimaan Allah ha inaga wada siiyo, Jannadii Firdowsana EEBBE haka waraabiyo.

Xasan Sheekh ayaa sheegay in Marxuum Cabaas ka mid ahaa Xildhibaanada dhallinyaradii uu aad ugu farxay markii ay ka mid noqdeen Baarlamaanka sannadkii tegay ee 2016.

“Marxuum Cabaas, wuxuu ka mid ahaa dhallinyarada markii ay ku soo biireen Golaha Shacabka Baarlamaanka Fedraalka sannadkii tegay ee 2016 aan aad ugu farxay inay siyaasada ku soo biiraan”ayuu yiri

Isagoo sii hadlayay ayaa yiri ” Marxuumka, wuxuu astaan u ahaa soo kabashada Soomaaliyada cusub. Aad iyo aad baan u aaminsanahay in dhallinyaradu tahay dadka kaliya ee soo celin kara midnimada iyo Qarannimada ummada Soomaaliyeed, sidaa darteed, waxaan ugu baaqayaa in ay sii xoojiyaan ka qeyb galka dib u dhiska dowladnimada Soomaaliyeed”

Allaha u naxariistee Cabaas Siraaji ayaa caawa fiidkii lagu dilay afaafka hore ee Madaxtooyada, xilli uu watay gaari yar, waxaa rasaas ku furay gaari ciidan oo ay la socdeen Ilaalada Hanti dhowrka Guud.

423 total views, 6 views today

Total Views: 423 ,

Leave a Reply

Your email address will not be published. Required fields are marked *

*

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful